კახაბრიშვილი: ‘როცა ამას აკეთებდა, მას გერმანულად დაუწყეს გინება, ხომ იცოდი, რომ ტკიოდაო"

ლაშა ბექაური რომ 2020 წლის ტოკიოს ოლიმპიადის ტრიუმფატორი გახდა, ზურაბ კახაბრიშვილის დიდი დამსახურებაა, რადგან სწორედ მან მოახერხა ახალგაზრდა ძიუდოისტის ტრავმის უმოკლეს დროში მორჩენა.

საქართველოს ნაკრების მთავარმა ექიმმა ტოკიოს ამბები გაიხსენა:

"ბექაური ტკივილს მართავდა - მას სჯეროდა ჩემი და მთავარი მწვრთნელის, ყველასგან იმ ენერგიას და აურას ისრუტავდა, რომელიც სჭირდებოდა.

იყო მომენტი, როდესაც ტრიპელი მტკივნეული ილეთის გაკეთებას სწორედ ლაშას დაზიანებულ მხარზე უკეთებდა, მას კი გერმანულად აგინებდნენ: "ხომ იცოდი, რომ სტკიოდა?", - მიუხედავად ამისა, შეუძლებელი იყო, ბექაურს ეს გრძნობა გასჩენოდა, რადგან მისი მხარი გაყუჩებული და გადახვეული იყო", - განაცხადა კახაბრიშვილმა.